"ПСЖ" ушбу ёзда "Наполи" ҳужумчиси Виктор Осимхенни сотиб олмоқчи, у ҳозирда 21 гол билан Италия А Сериясининг энг яхши тўпурари ҳисобланади. Журналист Адриен Греньернинг хабар беришича, парижликлар клуби маслаҳатчиси Луиш Кампуш терма жамоадаги танаффус вақтида нигерияликнинг агентлари билан учрашишни режалаштирган.
Ҳозирча трансфердаги мушкул нуқта - Осимхенга сўралаётган нарх. "Наполи" ўз ҳужумчиси учун 150 миллион евро талаб қилмоқда, бу эса нигерияликни тарихдаги энг қиммат учинчи футболчига айлантириши мумкин.
Викторнинг хизматларига Англиянинг икки топ-клуби “Челси” ва “Манчестер Юнайтед” ҳам қизиқиш билдирмоқда.
