Transfermarkt портали Италия А Сериясида ги айрим футболчиларнинг тахминий баҳоларини янгилади. Ҳозир Италия чемпионатининг энг қиммат футболчилари “Наполи” вакиллари ҳисобланади. Гап 100 миллион еврога баҳоланган ҳужумчи Виктор Осимхен ва 85 миллион евролик вингер Хвича Кварацхелия ҳақида кетмоқда. Аввалроқ Осимхен 70 миллион еврога, Кварацхелия эса 60 миллион еврога баҳоланганди.
Учинчи ўринни “Интер” ҳужумчиси Лаутаро Мартинес (тахминий баҳоси 75 миллион евродан 80 миллион еврога кўтарилган) ва “Милан” ҳужумчиси Рафаэль Леау (тахминий баҳоси 85 миллион евродан 80 миллион еврога камайган) бўлишди.
Топ-5ликни эндиликда 80 эмас, 75 миллион еврога баҳоланган Душан Влахович ёпди.
