"Манчестер Сити" ярим ҳимоячиси Бернарду Силва "ПСЖ"нинг ёздаги асосий мақсадларидан бири.
"Барселона" ҳам 28 ёшли футболчини ўз сафига қўшиб олмоқчи, аммо бунинг учун молиявий жиҳатдан парижликлар билан рақобатлашиш қийин бўлади. Журналист Маттео Мореттонинг фикрича, айнан Силва ёзги трансфер ойнасида ярим ҳимояни кучайтириш учун "ПСЖ"нинг асосий танлови ҳисобланади. Клубда маслаҳатчи лавозимини эгаллаган Луиш Кампуш "шаҳарликлар" хавбекининг қобилиятини юқори баҳолайди.
Бернарду Силва жорий мавсум “Манчестер Сити” сафида 39 та ўйинда майдонга тушиб, 4 та гол урди ва 5 та голли узатмани амалга оширди. Transfermarkt портали унинг қийматини 80 миллион еврога баҳолаган.
