"Manchester Siti" yarim himoyachisi Bernardu Silva "PSJ"ning yozdagi asosiy maqsadlaridan biri.
"Barselona" ham 28 yoshli futbolchini o‘z safiga qo‘shib olmoqchi, ammo buning uchun moliyaviy jihatdan parijliklar bilan raqobatlashish qiyin bo‘ladi. Jurnalist Matteo Morettoning fikricha, aynan Silva yozgi transfer oynasida yarim himoyani kuchaytirish uchun "PSJ"ning asosiy tanlovi hisoblanadi. Klubda maslahatchi lavozimini egallagan Luish Kampush "shaharliklar" xavbekining qobiliyatini yuqori baholaydi.
Bernardu Silva joriy mavsum “Manchester Siti” safida 39 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Transfermarkt portali uning qiymatini 80 million yevroga baholagan.