"Манчестер Сити" ҳужумчи Эрлинг Холанднинг ўзини яхши ҳис қилаётганига ишончи комил. Эслатиб ўтамиз, кеча форвард енгил жароҳати сабаб Норвегия терма жамоасини тарк этган эди.
Журналист Поль Хирстнинг ёзишича, “Манчестер Сити” Норвегия терма жамоасининг тиббиёт ходимлари билан аллақачон боғланган. Скандинавиялик ҳамкасблар “шаҳарликлар”ни Холанднинг кетиши шунчаки эҳтиёт чораси эканлигига ишонтиришди.
"Манчестер Сити" Холандни терма жамоадаги танаффусдан сўнг дарҳол бўлиб ўтадиган Премьер-лигада "Ливерпул"га қарши ўйнай олишини кутмоқда.
