Нидерландия терма жамоасининг собиқ футболчиси Робин ван Перси "Манчестер Юнайтед" ҳимоячиси Тирелл Маласиа ҳақида фикр билдирди.

“Мен ҳар бир трансфер ойнасида бир нечта тўғри ўйинчиларни олиб келиш кераклигига ишонаман ва Тирелл Маласиа улардан бири. Келишидан олдин у унчалик таниқли эмас эди.

Мен у билан "Фееноорд"да ўйнаганман, шунинг учун унинг қанчалик яхши эканлигини билардим ва ҳозир ҳам буни ҳар бир ўйинда исботлаб келмоқда.

У менинг шаҳримдан ва менинг клубимдан. У кўплаб ёшларга умид бағишлайди. Энди у энг юқори савияда ўйнамоқда ва энг яхшилар билан рақобатлашмоқда. Маласиа Нидерландияда ёшларга умид бахш этади. Бу шуни кўрсатадики, агар сиз яхши ўйнасангиз, эҳтимол сиз "Манчестер Юнайтед" каби жамоада ўйнашгача боришингиз мумкин. Мен у билан фақат фахрланаман", - дея ван Персининг сўзларини келтиради "Манчестер Юнайтед" расмий сайти.