"ПСЖ" ярим ҳимоячиси Марко Верратти танқидлар ҳақидаги саволга жавоб қайтарди.
Италиялик футболчи ЕЧЛ 1/8 финалининг “Бавария”га қарши жавоб ўйинида хатога йўл қўйди ва бу гол ўтказиб юборилишига сабаб бўлди. Парижликлар умумий ҳисобда 0:3 ҳисобида имкониятни бой беришди.
“Танқид футболнинг бир қисми. Мен ўзим нотўғри иш қилганимда ўша вазиятни жуда яхши тушунаман. Мен хатога йўл қўйдим - мени танқид қилишди, бу тўғри ҳолат. Илгари мени тез-тез мақташарди, жумладан Францияда ҳам. Танқид мени тўхтата олмайди, чунки мен футболни жуда яхши кўраман. Мен ҳали ҳам "ПСЖ" билан Чемпионлар лигасида ғалаба қозонишни орзу қиламан. Парижда ўзимни қулай ҳис қиляпман", - дея Верратти сўзларини келтирмоқда француз ОАВлари.
