Португалия терма жамоаси навбатдаги саралаш босқичини бошлайди, улар Евро-2024 саралашининг биринчи босқичида Лихтенштейн жамоаси билан баҳс олиб боради. Португалияликларнинг янги бош мураббийи Роберто Мартинес ҳали ҳам Криштиану Роналдуга катта ишонч боғлашини айтди.
- Роналду бизнинг сардоримиз, бизга унинг тажрибаси керак. Шубҳасиз, унинг тайёргарлик даражаси ҳақида ҳеч қандай савол йўқ", - дея Мартинес сўзларини келтиради Италиянинг ITASportPress ахборот агентлиги.
Эслатиб ўтамиз, қишда Роналду "Манчестер Юнайтед"дан кетиб, Саудия Арабистонининг "Ан-Наср" клубига кўчиб ўтганди.
