"Ювентус" ярим ҳимоячиси Адриен Рабьо ўзини Англия Премьер-лигасида синаб кўришга умид қилмоқда.
Франциялик футболчининг "Ювентус" билан шартномаси шу йилнинг июнь ойида тугайди, бироқ томонлар ҳамкорликни давом эттиришга келишиб олишлари мумкин. Инсайдер Фабрицио Романонинг сўзларига кўра, сўнгги ҳафталарда Рабьо билан шартномани узайтириш эҳтимоли сезиларли даражада ошган, аммо Англия Премьер-лигаси футболчи учун устувор вазифа бўлиб қолмоқда.
Миш-мишларга кўра, 27 ёшли ярим ҳимоячига "Ливерпуль", "Тоттенхэм" ва "Манчестер Юнайтед" клублари қизиқиш билдирмоқда. Transfermarkt Рабьонинг трансфер нархини 30 миллион еврога баҳоламоқда.
