"Милан" ҳужумчиси Оливье Жиру Дидье Дешамнинг ҳужумчи Килиан Мбаппени Франция терма жамоаси сардори этиб тайинлаш ҳақидаги қарорига изоҳ берди.
"Мбаппе яхши сардор бўлади. Килиан Франция терма жамоасининг эски ва янги авлоди ўртасидаги боғловчи бўлади. У ўзини кўп марта етакчи сифатида кўрсатди. У бу ролни яхши кўради. Унга омад тилаб, жамоани ортидан эргаштириб боришини истайман", - деди Жиру Goal.com билан суҳбатда.
2022 йилги жаҳон чемпионатидан сўнг фаолиятини якунлаган Уго Льорисдан сардорлик боғичи Мбаппега ўтди. Килиан Франция терма жамоаси сафида 66та жанг ўтказиб, 36та гол урган.