Пьер-Эмерик Обамеянг ёзги трансфер ойнасида “Челси”ни тарк этмоқчи. Миш-мишларга кўра, габонлик форвард ўтган мавсумни ўтказган "Барселона"га қайтмоқчи. Аммо каталонияликларнинг молиявий аҳволи туфайли Обамеянгни қайтариш қийин бўлади. Бу ҳақда Sport нашри хабар берди.
Эслатиб ўтамиз, ўтган ҳафта охирида Пьер-Эмерик Обамеянг "Барселона" - "Реал" учрашувига ташриф буюрган ва ҳатто каталонияликларнинг кийиниш хонасига ҳам кирган эди. Миш-мишларга кўра, футболчининг бу сафари "Челси" раҳбарларига ёқмаган.
Обамеянг “Барселона” сафида 24 та ўйинда майдонга тушиб, 13 та гол урган.