"Манчестер Юнайтед" ҳимоячиси Виктор Линделёф ўйин вақти камлигидан норозилигини билдирди. Швециялик бу мавсумда асосий турнирларда деярли майдонга тушмайди.

“Мен майдонга тез-тез тушишни истайман, мен футболчиман ва ўйнашни хоҳлайман. Ёзда биз вазиятни таҳлил қиламиз ва энг яхши қарорни қабул қиламиз", - дея Линделофнинг сўзларидан иқтибос келтирган журналист Фабрицио Романо.

Эслатиб ўтамиз, январь ойида "Атлетико Мадрид" ва "Интер" Линделёф трансфери учун "Манчестер Юнайтед"га мурожаат қилишган, бироқ "қизил иблислар" бош мураббийи Эрик тен Хаг шведни мавсум охиригача жамоада сақлаб қолмоқчи бўлгани учун келишувга тўсқинлик қилганди.