"Manchester Yunayted" himoyachisi Viktor Lindelyof o‘yin vaqti kamligidan noroziligini bildirdi. Shvesiyalik bu mavsumda asosiy turnirlarda deyarli maydonga tushmaydi.
“Men maydonga tez-tez tushishni istayman, men futbolchiman va o‘ynashni xohlayman. Yozda biz vaziyatni tahlil qilamiz va eng yaxshi qarorni qabul qilamiz", - deya Lindelofning so‘zlaridan iqtibos keltirgan jurnalist Fabrisio Romano.
Eslatib o‘tamiz, yanvar oyida "Atletiko Madrid" va "Inter" Lindelyof transferi uchun "Manchester Yunayted"ga murojaat qilishgan, biroq "qizil iblislar" bosh murabbiyi Erik ten Xag shvedni mavsum oxirigacha jamoada saqlab qolmoqchi bo‘lgani uchun kelishuvga to‘sqinlik qilgandi.
