Беш нафар футболчи вирус туфайли Голландия терма жамоасининг Европа чемпионатига саралаш баҳсларини ўтказиб юборадиган бўлди.
Бешта футболчи озиқ-овқат, яъни товуқли карридан жабр кўргани ҳақида маълумот бор эди. Бу ҳақда Голландия терма жамоаси ҳимоячиси Виржил ван Дейк изоҳ берди.
«Мен товуқли каррини ҳам едим ва у жуда мазали бўлди. Ушбу маҳсулот сабаб бўлганми? Умуман хабарим йўқ. Ҳеч ким билмайди», - деди ван Дейк.
24 март, жума куни Голландия терма жамоаси Евро-2024 саралашининг биринчи босқичи доирасида Франция терма жамоасига қарши сафарда майдонга тушади.
