Португалиялик ҳужумчи Криштиану Роналду Лихтенштейнга қарши ўйинда дубл қайд этди. Унинг жамоаси Европа чемпионати саралаш босқичини 4:0 ҳисобидаги ғалаба билан бошлади.
Голлардан бири пенальтидан киритилди. Натижада Роналдунинг голлари сони 120 тага етди - у футбол тарихидаги рекорд даражадаги натижани қайд этишда давом этмоқда. Бундан ташқари у терма жамоаси сафида 197 та баҳсда майдонга тушиб, энг яхши натижани қайд этди.
Эслатиб ўтамиз, Роналду ўз мамлакати терма жамоасидаги дебютини 2003 йилда ўтказган ва Қатарда у футбол тарихидаги бешта жаҳон чемпионатларида - 2006, 2010, 2014, 2018 ва 2022 йилларда гол урган биринчи футболчига айланди.
