Италиялик собиқ ҳужумчи Паоло ди Канио "Ливерпул"нинг кейинги бош мураббийи ким бўлишини айтди. Айни дамда "мерсисайдликлар" устози лавозимини германиялик Юрген Клопп эгаллаб турибди.
"Менимча, Клопп ўрнига Роберто де Дзерби келади. Футбол услубини инобатга оладиган бўлсак, у "Ливерпул"да Юргеннинг вориси бўлиши мумкин" - деди Ди Канио Football-Italia билан суҳбатда.
Де Дзерби ҳозирда "Брайтон" бош мураббийи ҳисобланади.
Клопп 2015 йил октябрь ойида “Ливерпул”ни қабул қилиб олган эди. Томонлар ўртасидаги амалдаги шартнома муддати 2026 йилнинг ўрталаригача ҳисобланади.
