Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Месси фаолиятидаги 800-голини урди! Лекин Роналду билан пойгада ҳали ҳам ета олмаган рекордлар мавжуд

Баҳо:
+ | -

Лионель Месси Панамага қарши ўйинда жарима зарбасидан гол урди. Бу гол унинг фаолиятидаги 800-гол бўлди. Криштиану Роналду 2021 йилнинг декабрида бу нишонни забт этганди: ўшанда “Арсенал” билан ўйинда у фаолиятидаги 800-голини киритган бўлса, бир неча дақиқадан сўнг пеналтини аниқ амалга ошириб, 801-голини ҳам урган эди. Ҳозир португалияликнинг ҳисобида 830 та гол бор, аммо у футбол тарихидаги энг яхши тўпурарми ёки бу унвон Пелега тегишлими, ҳозирча аниқ маълум эмас. Рекорд учун голларни ҳисоблаш билан боғлиқ барча чалкашликларни бошқа сафарбатафсилроқ ҳа олиб қўямиз.

Месси учун яна нима муҳим?

Клуб миқёсида унинг барча мусобақаларда урган голлари сони 701 та (ўртоқлик ўйинлари ҳисобга олинмайди), Роналдуда ҳозирда 710 та гол бор. Лекин бунинг учун Мессига 844 та, Кришга эса 959 та ўйин керак бўлган.

Месси 1/8 финалда урилган голлар сони (29) ва гуруҳ босқичида урилган голлар сони (80) бўйича Чемпионлар лигаси рекордига эга. Роналду плей-офф (67), чорак финал (25), ярим финал (13) ва финал (4) учун тегишли рекордларга эга.

Месси Чемпионлар лигасида уй учрашувларида урилган голлар сони бўйича рекордчи - 78. Лекин Роналду меҳмонда урилган голлар сони бўйича рекордчи - 63 та.

Месси 2005 йилдан 2006 йилгача Чемпионлар лигасида кетма-кет 18 та гол урди.
Унинг клуб даражасида 300 та голли узатмаси бор.

Месси қайси марраларни ҳали забт этмаган?

Клубгаи фаолиятида 900 та ўйин ўтказиш. Ушбу мавсумда “ПСЖ” тақвимида қолган ўйинларнинг максимал сони Мессини жорий мавсум охиригача бу рақамни кесиб ўтишдан сақлайди, аммо у буни 2023/2024 йилги мавсум бошида амалга ошириши мумкин.

Чемпионлар лигасининг энг яхши тўпурари. Роналду ҳисобида 140 та гол бор, шунинг учун у биринчи ўринда Мессида эса 130та. Аргентиналик футболчининг кейинги мавсумда нафақат етиб олиши, балки португалияликни ортда қолдириши эҳтимоли юқори.

Чемпионлар лигасида ассистентлик қилади. Роналдудан ўзиб кетиш учун Месси иккита голли узатма бериши керак: ҳозир Кришда 41та, Мессида 40та гол бор.

Терма жамоа учун 100 та гол. Месси Аргентина терма жамоаси сафида 99 голга эга. Роналдуда Португалия учун 120 гол бор.

Чемпионлар лигасида хет-триклар. Уларнинг сони Месси ва Роналдуда тенг – 8 тадан.

Топ 5 лигадаги голлар. Месси топ 5 лига чемпионатларида 493 та гол урган бўлса, Роналдуда бу кўрсаткич 495 га тенг. Бу кўрсаткич бўйича Лео яқин орада португалияликни ортда қолдириши мумкин.

Киритилди: 12:38, 24.03.2023.
Ўқилди: 11410 марта.
Фикрлар: 49 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.