"ПСЖ" ҳужумчиси Месси жамоаси билан шартномасини узайтирмасликка қарор қилди. Журналист Себастян Вигнолонинг хабар беришича, аргентиналик ярим ҳимоячи эркин агент сифатида жамоани тарк этишга қарор қилган.
Месси "ПСЖ"га муддати тугайдиган шартномасини узайтирмаслигини айтди. Олдинроқ Лионель яқин келажакда Европада қолиб, юқори савияда ўйнашда давом этишни хоҳлаётгани хабар қилинганди.
"Барселона" Мессининг қайтишидан манфаатдор, аммо молиявий муаммолар туфайли буни амалга ошириш жуда қийин бўлади. Ушбу мавсумда аргентиналик футболчи Франция чемпионатида 13 та гол урди ва 13 та голли узатмани амалга оширди.
