"Реал"нинг собиқ ярим ҳимоячиси, эндиликда "Севилья"ни тарк этганидан кейин эркин агентга айланган Искода фаолиятини Греция ва Туркияда давом эттириш имкониятлари бор.
Todofichajes нашрининг ёзишича, испаниялик ярим ҳимоячи хизматларига Европанинг учта клуби қизиқиш билдирмоқда. Гап Истанбулнинг “Фенербахче” ва “Бешиктош”, шунингдек, Грециянинг “Олимпиакос” жамоалари ҳақида кетмоқда.
Бундан ташқари, Исконинг АҚШ ва Бразилияда вариантлари бор, бироқ футболчи фаолиятини Европада давом эттиришни биринчи ўринга қўяди.
Испания чемпионатининг жорий мавсумида ярим ҳимоячи 12 та учрашувда майдонга тушиб, 2 та голли узатмани амалга оширди.
