"Челси" дарвозабони Эдуар Менди асосий таркибдаги ўрнини қайтаришга қарор қилди. Сенегаллик футболчи жароҳат сабаб таркибдаги ўрнини Кепа Аррисабалагага бой бериб қўйганди.
Журналист Раҳмон Усмоннинг сўзларига кўра, ёзда “Челси”дан кетиши мумкинлиги ҳақидаги миш-мишларга қарамай, Менди бор эътиборини биринчи посбон ролини эгаллашга қаратган. Халқаро танаффусда сенегаллик яхши форма олиш ва мураббийни ишонтириш учун Лондонда қолди.
Эслатиб ўтамиз, Менди "Челси"да 2020 йилнинг ёзидан буён ўйнамоқда. У "аристократлар" билан халқаро майдонда қўлга киритиш мумкин бўлган барча совринларни қўлга киритди.
