Ҳимоячи Эрик Гарсия "Барселона"дан "Севилья"га ўтиши мумкин. Бу ҳақда Todofichajes нашри хабар бермоқда.
Манбага кўра, Каталония ва Андалусия клублари ўртасида алоқалар аллақачон йўлга қўйилган. Гап футболчининг ижараси ҳақида кетмоқда.
Қайд этилишича, “Барселона” Эрик Гарсияни қўйиб юборишга тайёр, лекин футболчининг ўзи эса келажаги борасида ҳали якуний қарорга келгани йўқ.
Эрик Гарсия "Барселона"нинг асосий таркибида мустаҳкам ўйинчи эмас. 2022/2023 йилги мавсумда ҳимоячи 21 та ўйин ўтказиб, битта гол урди ва иккита голли узатмани амалга оширган. Transfermarkt портали экспертлари 22 ёшли Гарсияни 12 миллион еврога баҳоламоқда.
