Кот-д'Ивуар бош мураббийи Жан-Луи Гассе "Челси" ҳимоячиси Уэсли Фофанадан терма жамоада ўйнашни қандай сўраганини айтди.
"Мен Фофанани биламан. У ва Салиба 17 ёшида "Сент-Этьен"да қандай иш бошлаганини кўрдим. Мен у билан ота ва ўғилдек муносабатдаман. Аммо Дидье Дешам уни Франция терма жамоасига чақириб улгурди.
Бугун Фофана, афсуски, жароҳат олган. Балки у Кот-д'Ивуар термасида ўйнаш учун атайлаб жароҳат олгандир... Йўқ, бу шунчаки ҳазил. Мен Уэслини яхши биламан. Мен унга қўнғироқ қилдим, олдига бордим, у билан Ивуар терма жамоасида ўйнаш ҳақида гаплашдим. Аммо ҳаммаси бошқача бўлди", — деди Гассе.
Жан-Луи Гассе Фофананинг "Сент-Этьен"даги устози бўлган, у ерда 22 ёшли франциялик марказий ҳимоячи ўзининг катта фаолиятини бошлаган.
Эслатиб ўтамиз, Фофана сон сонини жароҳатлаб олди, шу сабабли у Франция терма жамоасининг Евро-2024 саралаш босқичидаги март ойидаги ўйинларини ўтказиб юборади.
