"Манчестер Юнайтед" марказий ҳимоячиси Рафаэль Варан Англия ва Испания чемпионатлари савияси ҳақида ўз фикрлари билан ўртоқлашди.
Француз ўн йил давомида "Реал"да ўйнади ва 2021 йилда "Манчестер Юнайтед"га ўтди.
"Премьер-лигаси ёки Ла Лигами? Биз яқинда Ла Лиганинг бешинчи жамоасига қарши (Бетис) ва Премьер-лиганинг сўнгги жамоасига (Саутгемптон) қарши ўйнадик ва очиғини айтсам, бу ўйинларнинг қайси бири қийинроқ бўлганини айтиш мен учун қийин”, деди 29 ёшли француз.
Эслатиб ўтамиз, "Манчестер Юнайтед" Европа лигасининг 1/8 финалида "Бетис"ни 1:0 ҳисобида мағлуб этган (биринчи ўйин - 4:1), ўз майдонида "Саутгемптон" билан дуранг ўйнаганди - 0:0.