Франциялик ярим ҳимоячи Орельен Тчуамени Килиан Мбаппенинг Нидерландия устидан қозонилган ғалабага (4:0) қўшган ҳиссасини юқори баҳолади.
Яқинда терма жамоа сардорига айланган "ПСЖ"нинг 24 ёшли ҳужумчиси ҳисобида иккита гол ва битта голли узатма бор.
"Мбаппе ўйиннинг биринчи дақиқасидан сўнгги дақиқаларигача ажойиб ўйнади", - деди Тчуамени. - У жамоадошлари билан бирлашди, гол урди, ҳимояда ёрдам берди. Умуман олганда, ҳар доимгидек ҳаракат қилди.
Нидерландия устидан қозонилган ғалаба жиддий ютуқ. Ҳа, жамоада жароҳатлар билан боғлиқ муаммолар бор, аммо бу жаҳон рейтингидаги олтинчи жамоа ва биз бу ғалабадан хурсанд бўлишимиз керак", - дея "Реал" ярим ҳимоячисидан иқтибос келтиради Get French Football News.