Франция терма жамоаси бош мураббийи Дидье Дешам Килиан Мбаппенинг Нидерландияга қарши ўйинига изоҳ берди.

“Уч ранглилар” саралаш гуруҳидаги асосий рақибини йирик ҳисобда мағлуб этишди (4:0), янги сардор эса иккита гол ва бир голли узатмани амалга оширди.

“Сардорлик боғичи Килианга таъсир қилмайди. У ўйинга иштиёқли ва футболдан завқланади. Бутун жамоа каби у ҳам бор кучини ишга солмоқда ва бугун кўп муваффақиятларга эришди. Унинг учун асосийси жамоанинг ғалабаси”, — деди Дешам L'Equipe нашрига берган интервьюсида.

Эслатиб ўтамиз, Килиан Мбаппе Франция терма жамоасининг барча даврлардаги энг яхши тўпурарлари рўйхатида 38 та гол билан бешинчи ўриндан жой олди.