Польша терма жамоаси бош мураббийи Фернандо Сантуш Чехияга қарши (1:3) Евро-2024 саралаши доирасидаги ўйин натижаларини сарҳисоб қилди.
«Бугун биз яхши натижага эришмадик ва мен шунчаки ёмон старт ҳақида гапирмаяпман. Чехлар яхши бошлаётганини билардик, аммо барибир бунга дош бера олмадик.
Бизда тўп бўлмаганида чехлар ўзига хос услублари, жуда тажовузкор қарши ҳужумлари билан прессинг қилишди, ҳимоядан ҳужумга тезда ўтишди. Ўйинимизни тезда таҳлил қилишимиз керак, чунки бизни Албанияга қарши жуда муҳим ўйин кутиб турибди.
Мен умидсизлик ва қайғуни ҳис қиляпман ва бу нафақат менинг, балки футболчиларнинг ҳам ҳис-туйғулари.
Ҳимоя ва ҳужум ўртасида мувозанат бўлиши керак. Биз менталитетимиз устида ишлашимиз керак, бугун тунда содир бўлган вазиятларни тезда таҳлил қилиш керак», - дея Сантушнинг сўзларини келтиради УЕФА расмий сайти.
Кейинги ўйинда Польша 27 март куни Альбания билан, шу куни Чехия Молдова билан ўйнайди.
