Германиялик мутахассис Юлиан Нагельсманн “Тоттенхэм”ни бошқаришга тайёр, деб хабар беради Sky Sports.
Манбанинг хабарига кўра, 35 ёшли мураббий инглиз клуби билан музокараларга очиқ. Аммо, афтидан, Нагельсманн дам олиш учун қисқа танаффус қилишни афзал кўрарди.
"Шпорлар"да шартномаси 2023 йилнинг ёзида тугайдиган жамоанинг амалдаги бош мураббийи Антонио Контенинг келажаги борасида ноаниқлик бор.
24 март куни "Бавария" Нагельсманнинг кетишини эълон қилди. Унинг ўрнини Томас Тухель эгаллади ва у клуб билан 2025 йилнинг ёзига қадар шартнома имзолади.
Нагельсманн немис клубини 2021 йилнинг июлидан буён бошқариб келаётган эди. Мутахассис раҳбарлигида мюнхенликлар 2021/22 йилги мавсумда Германия чемпиони бўлди ва икки марта мамлакат Суперкубогини қўлга киритди.
