"Бавария"нинг янги бош мураббийи Томас Тухель аввалроқ халқаро танаффус ўртасида Мюнхен клубидан бўшатилган Юлиан Нагельсманнга ҳамдардлик билдирди.
"Мен Нагельсманнга ҳамдардман, аммо унинг ишдан бўшатилиши менинг жавобгарлигим эмас. Мен у билан боғландимми? Ҳозирча, йўқ. Мен ҳурматсиз кўринишни хоҳламайман. Келажакда йўлларимиз яна кесишади, албатта гаплашамиз", — деди Тухель матбуот анжуманида.
Олдинроқ Нагельсманн "Бавария"дан четлатилганидан ҳайратда қолгани ҳақида хабар берилганди. Эслатиб ўтамиз, айнан Тухель бир вақтлар Юлианга мураббийлик фаолиятини бошлашига ёрдам берган эди.
