"Манчестер Сити" ярим ҳимоячиси Илкай Гюндоган ҳали келажаги ҳақида ўйламаяпти.
City Xtra нашри хабарига кўра, ярим ҳимоячи бор эътиборини қандай қилиб мавсумни иложи борича муваффақиятли якунлаш ва жамоасига барча мумкин бўлган совринларни ютишда ёрдам беришга қаратилган.
Эслатиб ўтамиз, "Манчестер Сити" айни пайтда Премьер-лигада чемпионлик, шунингдек, Англия кубоги ва Чемпионлар лигасидаги ғалаба учун курашмоқда.
Мавсум якунида Гюндоганнинг Хосеп Гвардиола жамоаси билан шартномаси тугайди, бироқ футболчи ҳали келажаги борасида бир қарорга келмаган. Ярим ҳимоячининг хизматларига ёзда футболчини эркин агент сифатида олмоқчи бўлган "Барселона" фаол қизиқиш билдирмоқда.
