Бельгиялик ярим ҳимоячи Кевин Де Брюйне 2024 йилги Европа чемпионати саралашида Швецияни 3:0 ҳисобида мағлуб этганидан сўнг жамоадоши Ромелу Лукакуни швед афсонаси Златан Ибраҳимович билан солиштирди.
"Биз Ибраҳимович ҳақида, унинг фаолияти давомида қилган барча ишлари ҳақида жуда ижобий тарзда кўп гапиришимиз мумкин. Бу ақл бовар қилмайдиган нарсалар. Лекин Ромелу ҳам шундай қилади ва кўп гол уради. У футбол ўйнагунча гол уришда давом этади. Ҳаммаси Ромелу қанчалик ўйнашига боғлиқ. Агар биз унга имкониятлар яратсак, у уларни амалга оширади. Ким жисмонан кучлироқ Лукаку ёки Ибраҳимович? Билмайман", - дейди Де Брюйне.
Швеция билан ўйинда Лукаку хет-трик қайд этди.
