Ўзбекистон футбол ассоциацияси томонидан терма жамоалар фаолияти билан боғлиқ яқин ва узоқ муддатли лойиҳа ва режалар амалга ошириб келинмоқда. Жумладан, 2028 йилда бўлиб ўтадиган Олимпиада ўйинларига тизимли ва сифатли тайёргарлик кўриш мақсадида 2005 йилда туғилган футболчилардан иборат «Олимпик фарм» жамоаси ташкил этилди.
ЎФА биринчи вице-президенти Равшан Эрматов йиғин ўтказаётган жамоанинг машғулотларида иштирок этиб, мураббийлар штаби билан ташкил этилаётган йиғинлар таҳлили, футболчиларнинг ҳолати ва имкониятлари, шунингдек, яқинлашиб келаётган мусобақаларга тайёргарлик режалари хусусида суҳбатлашди.
2028 йилда Лос-Анжелесда бўлиб ўтадиган Олимпиада ўйинларига режа асосида, тизимли тайёргарлик кўриш зарур эканлигини таъкидланди. Раҳбарият футболчиларга олдинда турган нуфузли мусобақага бор куч ва ғайратлари билан тайёргарлик кўриш кераклиги айтилиб, уларга омад тилади.
