Мадриднинг «Реал» клуби жорий мавсум якунида истеъфога чиқарилиши режалаштирилаётган мураббий Карло Анчелотти ўрнига бир вақтнинг ўзида бир нечта вариантни кўриб чиқмоқда.
UOL Esporte журналисти Бруно Андраденинг маълум қилишича, бу борада даъвогарлар рўйхатида тўрт нафар мураббий бор: Зинедин Зидан, Юлиан Нагельсманн, Марсело Гальярдо ва Маурисио Почеттино.
Аввалроқ ОАВда Анчелоттининг 2024 йилнинг ёзига қадар ҳисобланган шартномаси бекор бўлиши ҳақида маълумотлар тарқалган эди.
Италиялик мутахассис «қироллик» клубидан кетганидан кейин Бразилия терма жамоасини бошқариши мумкин.
«Реал Мадрид» Ла Лигада иккинчи ўринни эгаллаб турибди ва Чемпионлар Лигасида чорак финалга чиқди.
