«Арсенал»нинг собиқ ҳимоячиси Коло Туре клубга Букайо Сакани 10 йиллик муддатда сотиб олишни маслаҳат берди.
«Арсенал» Премьер-лигада ғалаба қозона оладиган жамоага ўхшайди - уларда сифат, футболчилар ўртасидаги боғлиқлик бор.
Улар биргаликда ҳимояланади ва ҳужум қилишади, ғалабадан биргаликда завқланишади. Жамоада оилавий ришталарни кўраман. Булар бир-бирлари учун курашишга тайёр йигитлар.
«Арсенал»га маслаҳатим: Букайо Сака билан 10 йиллик шартнома имзоланиши керак! Клуб кўп йиллар давомида такрорлаган битта хато: уларда «Арсенал»ни яхши кўрадиган асосий ўйинчилар бор эди, лекин клуб уларни қўйиб юборди.
Бундай футболчиларни сақлаб қолиш керак, чунки улар жамоани олдинга тортади. Булар сиз ишонишингиз мумкин бўлган ўйинчилардир, улар қийин вазиятда ҳамма нарсани берадилар, чунки улар клубни яхши кўрадилар», - деди Туре.
Букайо жорий мавсум Премьер-лиганинг 28 ўйинида 12 та гол урди ва 10 та голли узатмани амалга оширди.
