Марокаш терма жамоаси ва "Фиорентина" клуби ярим ҳимоячиси Софьян Амрабатга қишки трансфер ойнасида бир вақтнинг ўзида Европанинг бир қанча топ-клублари қизиқиш билдиргани маълум бўлди.
Футболчининг укаси Нордин Амрабатнинг VoetbalPrimeur нашрига айтишича, 26 ёшли ярим ҳимоячини "Манчестер Юнайтед", Каталониянинг "Барселона" жамоаси ва Лондоннинг "Челси" клублари ўз сафига қўшиб олмоқчи бўлган. Аммо турли сабабларга кўра трансфер амалга ошмай қолди.
Амрабат 2020 йилдан бери Флоренция клуби сафини ҳимоя қилиб келмоқда. Жорий мавсумда марокашлик ярим ҳимоячи 37 та жанг ўтказди. Унинг "бинафшаранглилар" билан шартномаси 2024 йилнинг ёзига қадар мўлжалланган.
