“Наполи” ҳужумчиси Хвича Кварацхелия Италия чемпионатининг март ойидаги энг яхши голи муаллифи деб топилди. Бу ҳақда А Серия матбуот хизмати хабар берди.

У Италия чемпионатининг 26-туридан ўрин олган “Аталанта”га қарши ўйинда гол урганди.

22 ёшли грузиялик футболчи 2022 йилнинг ёзидан буён "Наполи"да тўп сурмоқда.

Жорий мавсумда у неаполликлар сафида барча мусобақаларда 30 та ўйин ўтказиб, 14 та гол урди ва 16 та голли узатмани амалга оширди.

Унинг жамоаси 71 очко билан А Серия турнир жадвалида биринчи ўринда бормоқда.