Италия "А" сериясини 3-турида "Милан" ўз уйи - "Сан-Сиро"да "Аталанта"га 0:1 ҳисобида имкониятни бой берди.
Бу мағлубият Массимилиано Аллегри шогирдларининг қаторасига иккинчи марта ўз уйидаги мағлубияти эди. Биринчи турда "россонери" "Сампдория"га ютқазиб қўйганди - 0:1.
Шундай қилиб, "Милан" 82 йилдан буён биринчи марта мавсум стартида қаторасига иккита уй учрашувида ютқазмоқда. "Милан" охирги марта 1930/31 йилги мавсумда худди шундай жуда ёмон старт билан бошлаган эди, дея хабар беради Football Italia.
