Англиянинг "Борнмут" клуби "Рома"дан чап қанот ҳимоячиси Матиас Виньяни доимий равишда сотиб олишни режалаштирмаяпти. Эслатиб ўтамиз, январь ойи охирида уругвайлик футболчи "гилослар" сафига ижарага келиб қўшилганди.
Журналист Николо Скиранинг ёзишича, инглиз жамоаси футболчини доимий равишда сақлаб қолиш учун 15 миллион евро тўламоқчи эмас. Кўчиб ўтганидан бери Винья "Борнмут" мураббийлар штабини ҳайратда қолдира олмади. Футболчи шу кунгача Англия Премьер-лигасида атиги 15 дақиқа майдонда ўтказди.
25 ёшли Винья Европадаги учинчи мавсумини ўтказмоқда. "Рома"га ўтишдан олдин ҳимоячи Бразилияда, Уругвайда ўйнаган.
