"Барселона" ярим ҳимоячиси Френки де Йонг Испания кубогининг ярим финал жавоб учрашувида "Реал"га қарши ўйинда майдонга қайтиш имкониятига эга.
Эслатиб ўтамиз, "кўк-анорранглилар" "Сантьяго Бернабеу"да бўлиб ўтган илк ўйинда 1:0 ҳисобида ғалаба қозонган эди.
Френки яқинда Нидерландия терма жамоаси таркибида жароҳат олганди. Mundo Deportivo нашри хабарига кўра, "Барселона" ярим ҳимоячиси "Реал"га қарши ўйингача тикланиш имкониятига эга. Жамоа мураббийлар штаби шундай фикрда.
Френки де Йонг ушбу мавсумда Ла Лигада иккита гол урди ва битта голли узатмани амалга оширди.