"Бавария" бош мураббийи Томас Тухель таянч ярим ҳимоячи Жошуа Киммихнинг ашаддий мухлиси. Журналист Флориан Плеттенбергнинг хабар беришича, германиялик футболчи янги мураббий қўл остида жамоада етакчи роль ўйнашда давом этади.
Тухель Киммихдан ташқари, сўнгги пайтларда мухлислар томонидан кўп танқид қилинаётган жамоа вингери Лерой Санени ҳам жуда яхши кўради. Футболчи жорий мавсумда Германия Бундеслигасида 7 та гол урди ва 4 та голли узатмани амалга оширди.
Эслатиб ўтамиз, Киммих аввалроқ "Бавария"нинг собиқ бош мураббийи Юлиан Нагельсманни қўллаб-қувватлаган кам сонли футболчилардан бири эди.
