Нидерландия терма жамоаси бош мураббийи Рональд Куман ҳужумчи Мемфис Депай Гибралтарга қарши ўйинда (3:0) жароҳат олганини тасдиқлади. Эслатиб ўтамиз, Депай 23-дақиқада ҳисобни очганди.
"Депай жароҳат олди, ҳаммаси унчалик ижобий эмас. Айнан қандай жароҳат? Мен бу ҳақда ҳозирча бир нарса дея олмайман" - деди Куман матбуот анжуманида.
Эслатиб ўтамиз, Депай жорий йилнинг январь ойидан буён "Атлетико"да ўйнамоқда. Диего Симеоне жамоаси таркибида футболчи Испания чемпионатининг еттита учрашувида учта гол урди. Ҳужумчи "матрасчилар"га ўтишдан олдин "Барселона"да ўйнаган.
