"Ливерпуль" ярим ҳимоячиси Алекс Окслейд-Чемберлен фаолиятини бошқа клубда давом эттириши мумкин, дея хабар беради журналист Фабрицио Романо.
Олдинроқ 29 ёшли англиялик футболчи ушбу мавсум якунида "Ливерпуль"ни эркин агент мақомида тарк этиши эҳтимоли юқорилиги ҳақида хабар берилганди. Романонинг сўзларига кўра, футболчига Англиянинг иккита клуби ва иккита хориж клуби қизиқиш билдирмоқда.
Жорий мавсумда Окслейд-Чемберлен мерсисайдликлар сафида 12 та ўйинда майдонга тушиб, 1 та гол урган. Футболчи 2017 йилнинг кузидан бери "Ливерпуль"да ўйнамоқда, аввал у Лондоннинг "Арсенал" ва "Саутгемптон" клублари шарафини ҳимоя қилган.