Аргентинада Лионель Мессининг ҳайкали тақдим этилди. GOAL портали ва бошқа ОАВлар хабар беришича, у КОНМЕБОЛ музейида афсонавий Диего Марадона ва Пеле ҳайкаллари ёнига жойлаштирилади.
Шунингдек, Жанубий Америка футболи етакчилари Мессига Аргентина терма жамоаси сўнгги йилларда қўлга киритган учта совриннинг нусхаларини совға қилишди. Гап Америка кубоги, финал босқичи ва жаҳон чемпионати ҳақида бормоқда.
Эслатиб ўтамиз, декабрь ойида жаҳон чемпионати финалида Аргентина терма жамоаси Франция билан 3:3 ҳисобида дуранг ўйнаб, пенальтилар сериясида рақибини мағлуб этганди. Лионель Месси Қатарда бўлиб ўтган жаҳон чемпионатининг энг яхши футболчиси деб топилди.