Ҳамюртимиз Хожимат Эркинов ўйнаётган “Торпедо” клуби бош мураббий борасида бир қарорга келди. Жамоани испаниялик мутахассис Хосеп Клотет қабул қилди, бу ҳақда клуб матбуот хизмати хабар қилди.
Хосеп Клотет сўнгги йилларда Италияда СПАЛ ва "Брешия" каби клубларда ишлаган. Энди 45 ёшли испаниялик Россияда ўзини синаб кўради.
“Торпедо” ҳозирда Россия Премьер-лигаси турнир жадвалида охирги ўринда бормоқда. 20 турдан сўнг жамоа ҳисобида 10 очко бор.
“Торпедо” Россия чемпионатининг навбатдаги ўйинини 2 апрель, якшанба куни ўтказади. Хосеп Клотет шогирдлари сафарда “Ростов”га қарши майдонга тушади.
