"Лацио" бошқарувчиси Маурицио Сарри март ойида Италия А Сериянинг энг яхши мураббийи деб топилди. Бу ҳақда лига матбуот хизмати хабар бермоқда.
Ўтган ойда "Лацио" Италия чемпионатида учта ўйин ўтказди. "Бургутлар" "Наполи" ва "Рома"ни (1:0) мағлуб этди, "Болонья" билан дуранг ўйнади (0:0).
Айни дамда "Лацио" Италия чемпионати турнир жадвалида иккинчи ўринда бормоқда. Маурицио Сарри шогирдлари пешқадам "Наполи"дан 19 очко ортда қолмоқда. Шу билан бирга, "бургутлар" беш очкога бешинчи ўриндаги "Рома"дан олдинда.
"Лацио" А Сериянинг навбатдаги ўйинини 2-апрель, якшанба куни сафарда "Монца"га қарши ўтказади.
