Жеймс Мэддисон ЖЧ-2022 арафасида олган жароҳати ҳақида гапирди.
«Лестер» ярим ҳимоячиси Қатарда бўлиб ўтган жаҳон чемпионати учун Англия терма жамоаси қайдномасига киритилган эди, бироқ турнир бошланишига бир ҳафта қолганида «Вест Хэм» билан ўйинда жароҳат олганди. Мэддисон турнир давомида ҳеч қачон майдонга тушмаган.
«Буни оддий нарса деб қабул қилмаслик керак. Мен бу жароҳатдан қутула олмаслигим мумкин эди, аммо Гарет Саутгейт менга ишонишда давом этди.
Мен бу тажриба мен учун фойдали бўлди деб умид қилгандим ва шундай бўлди ҳам», деди «Лестер» ва Англия терма жамоаси ярим ҳимоячиси.
