«Тоттенхэм» ҳужумчиси Хёнгмин Сон «шпорлар»нинг собиқ бош мураббийи Антонио Конте ҳақида гапирди.
«Мен унга спортчи сифатида жуда ачинаман. Унга ўзимнинг энг яхши сифатларимни кўрсатишим ва жамоага кўпроқ ёрдам беришим керак эди, аммо буни уддалай олмадим.
Шу сабабли Конте кетиш орқали масъулиятни ўз зиммасига олди ва мен бунинг учун узр сўрайман», - деди футболчи Уругвайга қарши ўртоқлик учрашувидан сўнг.
Эслатиб ўтамиз, Антонио Конте клуб раҳбарияти ва футболчилар билан келишмовчилик туфайли март ойи охирида «Тоттенхэм» бош мураббийи лавозимини тарк этганди.
