"Тоттенхэм" спорт директори Фабио Паратичи Антонио Контенинг жамоадан четлатилгани ҳақида гапирди.
"Тоттенхэм" 27 март куни Контени истеъфога чиқарганини эълон қилди. Италиялик собиқ ёрдамчи Кристиан Стеллини бош мураббий вазифасини бажарувчи бўлди.
“Конте билан хайрлашиш барча томонлар учун энг яхши қарор эди. Стеллини Антонио касал бўлганида жамоани бошқарган, унда тажриба бор. Райан Мейсон унга ёрдам бериши мумкин. Ишончимиз комилки, Стеллини ва Мейсон жуда яхши иш қила оладилар", - дея Паратичи сўзларини келтирган журналист Фабрицио Романо.
"Тоттенхэм" 28 ўйиндан сўнг 49 очко билан АПЛ турнир жадвалида тўртинчи ўринни эгаллаб турибди. Кейинги турда “шпорлар” сафарда “Эвертон”га қарши баҳс олиб боради. Учрашув 3 апрель куни бўлиб ўтади.
