"Манчестер Юнайтед" марказий ҳимоячиси Виктор Линделёф "Интер"га ўтишга тайёр.
Италия клуби швед футболчисига январь ойидаёқ қизиқиш билдирганди, бироқ Эрик тен Хаг трансферга тўсқинлик қилди. Линдёлофнинг ўзи ҳам тез-тез ўйнашни хоҳлаётганини тан олди, шунинг учун у ёз учун турли хил вариантларни кўриб чиқмоқда.
Tuttosport нашрининг янгиланган хабарига кўра, 28 ёшли марказий ҳимоячи яқинда агенти орқали "Интер"га ўз хизматларини таклиф қилган. "Нерадзуррилар" мавсум якунланганидан кейин жамоани тарк этадиган Милан Шкриньярга ўринбосар қидирмоқда.
Виктор Линдёлофнинг жорий мавсумда “Манчестер Юнайтед”нинг 21 та ўйинида майдонга тушди. Transfermarkt унинг трансфер қийматини 15 миллион еврога баҳоламоқда.
