"Манчестер Сити" марказий ҳимоячиси Натан Аке "Арсенал" билан рақобат ҳақида ўз фикрларини билдириб ўтди.
"Канонирлар" Премьер-лигада 28 ўйиндан кейин 69 очко жамғарган бўлса, "шаҳарликлар" 27 ўйинда 61 очко тўплаган.
“Ўйлайманки, интрига охиригача давом этади. Жуда қаттиқ кураш, ҳамма нарса ҳар қандай вақтда ўзгариши мумкин. "Арсенал"га етиб олиш жуда қийин бўлади ва биз хатолардан қочишимиз керак, аммо "Арсенал"га ҳам қийин бўлади", - дея нидерландиялик футболчи сўзларини келтиради M.E.N.
1 апрель куни “Манчестер Сити” ўз майдонида “Ливерпуль”га қарши ўйин ўтказади. Шу куни Микель Артета жамоаси “Лидс”ни қабул қилади.
