Ҳуқуқлари Лиссабоннинг "Бенфика" клубига тегишли бўлган 19 ёшли ҳимоячи Антониу Силва фаолиятини Англия Премьер-лигасининг топ-клубида давом эттириш имкониятига эга.
Хабарларга кўра, “Ливерпуль” истиқболли португалияликнинг хизматларига қизиқиш билдирмоқда. "Қизиллар" ёзги трансфер ойнасида Силвани сотиб олмоқчи. Футболчига "Астон Вилла", "ПСЖ" ва "Реал" ҳам даъвогарлик қилмоқда.
"Бенфика" ва Силва ўртасидаги меҳнат шартномаси муддати 2027 йилнинг ўрталарига қадар ҳисобланган. Унинг товон пули 100 миллион евро.
Португалия чемпионатининг жорий мавсумида ҳимоячи 22 та ўйин ўтказиб, 3 та гол урди ва 3 та сариқ карточка олди.
